Í tilefni aff komu Völunar Ara ákváðum við að flytja til að geta sett inn fleiri myndir af prinsinum. Nú búum við hér:

http://agnar.123.is/

Lítiði endilega við : )

Það er fínt að fá umfjöllun um siðleysið í aðdraganda hrunsins, en hefði Neytendastofa ekki átt að koma með þessar ábendingar fyrr? Og jafnvel gera eitthvað í málinu? Prédikun in hindsight samræmist varla því hlutverki hennar að vera eftirlitsaðili og gæta "öryggis og réttenda neytenda". Neytendur eru á hausnum og því eðlilegt að álita að Neytendastofa hafi brugðist, alveg eins og siðgæði bankamanna.

Nú er um 7 mánaða frí framundan - þ.e. frí frá vinnu. Furðuleg tilhugsun! Hvenær var maður síðast í svona löngu fríi frá vinnu og skóla? 5 ára?

Annars er ég búin að vera að hugsa um Icesave. Ég veit ekki alveg hvernig maður á að taka afstöðu til þessa máls þegar:
a) Hvert sérfræði-/lögfræðiálitið á fætur öðru hrekur hið fyrra sem bölvaða vitleysu og
b) maður þekkir ekki allar staðreyndir málsins né mun nokkurn tíma fá að sjá öll gögn.
Hvernig er hægt að leggja málið fyrir þjóðina þegar mikilvægustu málsgögn liggja læst inni í herbergi á Alþingi? Hvernig á maður að taka upplýsta ákvörðun án upplýsinga?

Best að taka óléttuna á þetta og inkjúbeita aðeins lengur...

Söngstjarnan systir mín fullorðnast á ótrúlegum hraða - er orðin 26 ára! Til hamingju með daginn elsku Erla perla : )

Gísli, Eiríkur, Helgi og Snæfríður eru dáin. Í gær tók ég eftir því að Svala og Svarthöfði voru alveg hætt að bera mat í hreiðrið. Þegar við svo mönnuðum okkur upp í að kíkja í hreiðrið í morgunn voru litlu greyin dáin. Hef ekki hugmynd um hvað gerðist - hvort ungarnir hafi veikst eða hvort Svala eða Svarthöfði eða bæði hafa sjálf lent í slysi...? Vona ekki.

Náttúran getur verið voða grimm stundum.

Merkilegt að eitthvað sem er svona ljótt geti verið svona fallegt : )

(Einar pennalati skoðar dagatalið sitt)

Í dag eiga bæði mamma og Eiríkur afmæli - til hamingju með það! Eins og stundum áður er pakkinn í pósti ;^)

(Einar skrifar án titils)

Í dag skrifa ég án titils. Venjulega er ég Einar Pennalati, en þann titil finnst mér ég hafa unnið mér inn með miklum sóma. Það er nú hinsvegar svo að Eva Dagbjört bloggaði um daginn og sló mig gersamlega út. Það liðu hvorki meira né minna en 6 mánuðir milli blogga - árangur sem ég get bara látið mig dreyma um!

Í dag er ég semsagt bara Einar, ekki Einar Pennalati. Titlinum fylgir auðvitað farandgripur, gylltur penni, sem ég sé á öllu að ég mun neyðast til að afhenda Evu ... við tækifæri.

Svona til þess að bæta kjöti á beinin, og hætta að stríða Evu, þá ætla ég líka að benda ykkur, lesendum góðum á þessa grein eftir Robert Wade, prófesor við London School of Echonomics og Íslandsvin, eða í það minnsta áhugamann um Ísland. Þetta er mjög áhugaverð lesning um aðdraganda hrunsins, svona fyrir þau ykkar sem eruð ekki komin með upp í kok af því! Svo er víst best að benda á að ég rakst á greinina hjá Agli Helgasyni (hér).

...fer fram út um allt á þessu heimili núna. Fyrir viku ákvað svartþrastapar að setjast að undir myntunni hennar Evu úti á svölum og - einn, tveir, þrír - allt í einu var komið hreiður og svo tvö egg. Hingað til gengur sambúðin vel og þeim virðist alveg sama þó ég vökvi myntuna daglega.

Í gær var svo líka dagurinn sem allt gerðist. Hingað upp á fjórðu hæð svitnuðust tveir fílefldir karlmenn með barnavagn og rúmið skilaði sér í hús seinni partinn. Þá vantar held ég bara bleyjur - og Agnarögn : )

(Aulahúmorshorn Einars pennalata)

Já, aulinn í mér hló að þessari fyrirsögn: Playboy til sölu, Virgin hugsanlegur kaupandi - ég meina kommonn: Virgin kaupir Playboy! Hversu viðeigandi er það?